ILOILO CITY – Maga-convene ang Senado bwas, Hulyo 25 para sa pormal nga pagbukas sang 19th Congress.
Si Senate President Pro Tempore Juan Miguel Zubiri ang ginalauman nga magpamuno sang pagbukas sang First Regular Session kag sang election sang mga officers sa Senate Plenary Hall.
Si Zubiri ang magapulpog sang ceremonial gavel alas-10 sa aga agud nga mag-symbolize sang pagbukas sang session.
Ang 24 ka mga senador ang magapili sang mga officers para sa bag-o nga Congress lakip na ang Senate President, Senate President Pro-Tempore, Majority Leader, Secretary kag Sergeant-at-Arms.
Ang malutos nga kandidato para sa Senate President ang masami nga mapilian bilang Minority Leader.
Una na nga ginkumpirmar ni Zubiri nga may yara na sang deputy majority floor leaders.
Si Zubiri ang ginapanan-aw na nga mangin ika-24 nga Senate President.
Ang Senado ang maga-welcome sang 12 ka elected senators nga sanday:
tatlo ka first-timers nga sanday Sen. Robin Padilla, Sen. Raffy Tulfo kag Sen. Mark Villar;
apat ka reelected lawmakers nga sanday Sen. Sherwin Gatchalian, Sen. Miguel Zubiri, Sen. Joel Villanueva , kag Sen. Risa Hontiveros;
lima ka nagbalik nga mga legislators nga sanday Sen. Alan Peter Cayetano, Sen. Chiz Escudero, Sen. JV Ejercito, Sen. Jinggoy Estrada kag Sen. Loren Legarda.
Samtang, ang iban pa nga mga senador amo sanday:
Sen. Sonny Angara, Sen. Nancy Binay, Sen. Pia Cayetano, Sen. Ronald dela Rosa, Sen. Bong Go, Sen. Lito Lapid, Sen. Imee Marcos, Sen. Koko Pimentel, Sen. Grace Poe, Sen. Bong Revilla, Sen. Francis Tolentino, Sen. Cynthia Villar.
