ILOILO CITY- Ginrekomendar ni Senator Raffy Tulfo ang pagpasaka sang kaso batok sa Philippine Coast Guard Officials may kaangtanan sa paglugdang sang MT Princess Empress sa Oriental Mindoro nga nagresulta sang lapnagon nga oil spill.
Ini matapos natukiban nga wala sang updated certificate of public convenience (CPC) halin sa Maritime Industry Authority ,ang tanker nga may karga nga 800,000 litro sang industrial fuel oil.
Suno kay Tulfo ,dapat presuhon ang mga PCG officials nga responsable sa pagpahanugot sa pagbyahe sang vessel bangud kun ginhimo lang sang mga ini ang ila katungdanan, wala natabo ang amo nga aksidente.
Sa Senate hearing, una na nga gin-ako ni PCG Vice Adm. Joseph Coyme nga wala ma-check sang mga inspectors ang CPC antes gintugutan nga magbyahe ang amo nga barko.
