Ginhingadlan bilang Senate deputy majority leaders sang 19th Congress sanday Senators JV Ejercito kag Mark Villar.
Ini matapos nga nagpili sang duha ka vice chairpersons sang Committee on Rules sa plenary session.
Gin-eleher man sang mga senador ang ikaduha nga batch sang committee chairpersons para sa 19th Congress.
Yari ang mga senador nga magapamuno sang mga komitiba:
-Banks, Financial Institutions and Currencies: Mark Villar
-Civil Service, Gov’t Reorganization & Professional Regulation: Bong Revilla
-Cooperatives: Imee Marcos
-Economic Affairs: Grace Poe
-Electoral Reforms & People’s Participation: Imee Marcos
-Environment & Natural Resources, Climate Change: Cynthia Villar
-Public Information & Mass Media: Robin Padilla
-Sports: Bong Go
-Tourism: Nancy Binay
-Urban Planning, Housing & Resettlement: JV Ejercito
-Youth: Sonny Angara
Sa ikaduha nga semana humalin sang pagbukas sang 19 Congress, wala sa gihapon sang may gin-eleher nga chairpersons ang senado sa masunod nga mga komitiba:
Basic Education, Arts and Culture
Cultural Communities
Ethics and Privileges
Justice and Human Rights
Labor, Employment and Human Resource Development
Science and Technology
Suno kay Senate majority leader Joel Villanueva, ang Committee on Rules ang magapatigayon anay sang hearing antes ang pag-eleher sang chairpersons sang pila ka mga komitiba bangud sang reklamo sa pila ka mga senador nga tunga-on ang Basic Education kag Arts and Culture subong man ang Committee on Labor, Employment kag Human Resource Development sa apat ka separado nga mga panels.
Suno pa sa iya, ang mga senador ang maga-finalize sang listahan sang contingents para sa Commission on Appointments (CA) kag Senate Electoral Tribunal (SET).
Gin-ako sang Senate majority leader nga ang membership sa duha ka mga constitutional bodies ang “perennial problem” sang leadership sa tion sang pagbukas sang tagsa ka Congress bangud kinahanglan nga i-consider ang political affiliations sang tagsa ka senador.
Dugang pa niya, nagalaum sila nga ma-finalize na ini sa mga masunod nga inadlaw.
