ILOILO – Patay ang isa ka senior citizen matapos nga maaksidente sa motorsiklo sa Brgy. Gines Zarraga, Iloilo.
Ang biktima ginkilala si Alfredo Braza Sr., 61 anyos kag residente sang nasambit nga lugar.
Sa interview sang Bombo Radyo kay Pol Staff Sgt Ryan Superficial, Traffic Investigator sang Zarraga Municipal Police Station iya ginpahayag nga base sa ila imbestigasyon ginlikawan ni Braza ang nasumalang niya nga lalaki nga ginapahayag may deperensya sa paminsaron.
Gilayon naman nga ginpadangat ang biktima sa ospital apang wala na ini natabangang.
Suno kay Superficial, naka agom sang patal nga pilas sa ulo ang biktima bangud wala ini sang suksok nga helmet.
Dugang sang natungdan, kun may yara kun tani sang suksok nga helmet ang biktima posible pa ini nga makaluwas bangud indi man tuman ka dasig ang pagpadalagan sini.
