ILOILO CITY – Pahanugutan na ang mga senior citizens nga makasulod sa mga mall kag bangko sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga epektibo subong nga adlaw, mahimo na makasulod ang nga tigulang sa nasambit nga establisemento para sa essential purposes ukon kun sila ang magbakal sang imporante nga kinahanglanon.
Kinahanglan lang suno sa alkalde nga indi paglapason ang health protocols kaangay sang pagsuksok sang face mask kag pagsunod sa physical distancing.
Wala naman nalakip sa amo nga mandu ang pagpahanugot sa mga menor de edad.
