Ginaduso ni Senator Grace Poe ang separado nga ahensya kag indi lang opisina sa idalom sang Department of Environment and Natural Resources nga amo ang kinahanglan agud mapasigurado ang maayo nga management sang suplay sang tubig sa Pilipinas.
Suno sa senadora nga amo ang chairperson sang Senate public services committee, isa ka maayo nga development ang gintukod nga Water Resources Management Office apang indi ini bastante nga maghimo sang trabaho ilabi na bangud may El Niño.
Liwat sini nga ginduso ang Department of Water Resources (DWR) agud indi na magsampawanay ang functions sang mga ahensya kag opisina nga amo ang involved sa tubig sa Pilipinas.
Ginpaathag sang senadora nga may ginabanta 30 ka nanuhay-tuhay nga national kag local agencies nga nagadumala sa water resources sag pungsod apang wala nagasantuanay ang ila nga mga operasyon.
Gintawag man sini nga inutil ang Metropolitan Waterworks and Sewerage System.
Kun matukod naman ang DWR suno kay Poe, mas mabuhinan ang gasto sang madamo nga mga ahensya.
Magaduso man si Poe sang imbestigasyon sa Senado sa performance sang water distribution companies, ang status sang Kaliwa Dam, kag sa mga tikang nga ginahimo sang gobyerno agud masiguro nga steady ang suplay sang tubig sa Pilipinas.
Lantawon man suno kay Poe ang mga prangkisa sang nga water utilities sa pungsod.
