MANILA – Nagpanawagan ang Simbahang Katolika sa publiko nga indi pagpahanugutan nga maapektuhan ang pagdumdum sang paskwa bangud sa nagakatabo nga kalamidad kag pandemya.
Suno kay Manila apostolic administrator Bishop Broderick Pabillo, sa pihak sang ginapangatubang nga coronavirus disease (COVID-19) pandemic, indi dapat ma-lockdown ang Christmas kag pag-upod sang mga pamilya.
“We do not allow COVID-19 to deprive us of Christmas joy. God is with us,” pahayag ni Pabillo
Sa tion sang paskwa suno sa natungdan, ginadumdum ang pagkabun-ag ni Hesukristo kag nagakadapat nga saulugon ini sang kada panimalay.
“Let not COVID-19 lock down our Christmas joy and family togetherness. God has come down to be with us. We accept him together as a family in our homes. Let us be creative this year in celebrating God’s presence among us,” dugang pa ni Pabillo.
Ginpahayag ni Pabillo nga subong nga paskwa ang lain kun ipaanggid sa mga nagliligad nga mga tinuig bangud indi mahimo nga magtipon ang madamo nga tawo.
Apang sa pihak sini, mahimo sa gihapon nga i-selebrar ang paskwa nga may kahulugan.
“While he acknowledges that this year’s Christmas might be different from the previous years,faithful could still celebrate the birthday of Jesus Christ “in a different, but more meaningful way,” pahayag ni Pabillo.
Panugyan sang natungdan, mahimo nga magamit ang quarantine restrictions nga ginapatuman sa tion sang pandemya bilang tyempo agud mag-bonding ang pamilya, magkanta sang mga Christmas songs, magbasa sang bibliya kag magpangamuyo.
“In years past, we have been accustomed to external and consumerist ways of celebrating these seasons. The malls and the stores had dictated our Christmas… Let us bring Advent and Christmas to our families with prayers, family religious services and joy,” dugang pa ni Pabillo .
Ginpahayag ni Pabillo nga mahimo man nga magpatigayon sang online Advent recollections ukon magbisita sa mga simbahan para sa Simbang Gabi.
Sa mga indi naman makatambong sa Simbang Gabi, ang mga social media pages sang nagakalain-lain nga Simbahang Katolika ang mahimo naman nga bisitahon.
Gin-athag man sang pari nga hugot nga ginadumilian ang pagpatigayon sang Christmas parties kag caroling agud malikawan ang paglapta sang COVID-19.
