ILOILO CITY- Nasapwan nga wala na sang kabuhi ang isa ka solterito sa kilid sang irigasyon sa Brgy. Pulo Maestra Vita, Oton, Iloilo.
Ang biktima amo si Raymundo Flores III, 15 anyos, residente sang amo nga lugar.
May nakit-an nga pilas sa butkon sang biktima nga igo sang pagkabuno kag may dugo man sa iya baba nga nagapatimaan nga posible ginkastigo ini.
Sa interview sang Bombo Radyo kay Raymundo Flores Jr., amay sang solterito, iya ginpahayag nga kahapon, nakahampang pa sang basketball ang iya anak kaupod ang iya grupo apang wala na ini nakapauli sa ila balay tubtob nga nasapwan na lang ini nga wala na sang kabuhi.
Suno naman kay Richell Joy Flores, utod sang biktima, wala sila sang ideya kun sin-o ang nagpatay sa iya manghod.
Apang gintuad niya nga na-involve sa rambol ang iya manghod pila ka bulan na ang nagligad apang ini ang na-settle man matapos nakaistoryahanay ang ginikanan sa magtimbang nga bahin.
