Malikawan nga maguba ang COVID-19 vaccines sa probinsya sang Iloilo kun 24/7 ang pagbantay sa mga facilities kun sa diin nahamtang ang refrigerators para sa bakuna.
Sa interview sang Bombo Radyo kay Defensor, iya ginpahayag nga masami gid man nga nagakatabo ang power interruption ukon problema sa kuryente gani dapat nga handaan ini sang tagsa ka local government unit (LGU).
Suno kay Defensor, mas maayo nga gina-check gid ang scheduled brownout, ang koneksyon, kag linya sang kuryente.
Importante man nga may yara sang equipment para sa back-up power ukon generator sets.
Matandaan nga sang nagligad lang nga bulan, naguba ang 167 doses sang Sinovac COVID-19 vaccines sa San Enrique bangud wala nag-power on ang fridge kasunod sang 10-15 ka minutos nga power interruption.
