Naggamit sang Pokémon cards sa isa ka Facebook live si Senate President Alan Peter Cayetano kahapon nga adlaw, agud ipa-intindi sa mga kabataan ang nagakalatabo sa ekonomiya kag sa pulitika sang Pilipinas.
Ini kaangot man sa nagluntad nga komosyon sa senado sang nagligad nga Mayo 13 kun sa diin nagluntad ang asud-asud nga lukpanay nga nagpuhag sa mga media personnel, senate staff, kag pila ka mga senador halin sa Majority bloc.
Ginkumparar sini ang mga grupo sa politika kag ang mga hitabo sa pungsod nga daw kaangay man sang “heroes vs villains” sa isa ka hampang ukon istorya.
Suno pa sa iya, ang Pungsod nga halin sa “Mega Dream” kag “Perfect Order” nagkadto na subong sa “Ascended Heroes” and “Chaos Rising.”
Madumduman nga sa sulod sang duha ka semana sini nga pagpungko bilang senate president, madamo na ang nagluntad nga isyu sa iya termino kangay sang pagbalik kag pagpalagyo liwat ni Senator Bato Dela Rosa matapos ang gindagdag nga arrest warrant sang International Criminal Court batok sa iya.
