Nadayon subong nga adlaw ang episcopal consecration ceremony sang Society of Saint Pius X kun sa diin apat ka mga pari ang gin-consecrate bilang mga obispo bisan pa nga hugot ini nga ginadumilian ni Pope Leo XIV.
Ang seremonya ginpangunahan ni His Excellency Bishop Alfonso de Galarreta, principal consecrator, kag gin-assist ni His Excellency Bishop Bernard Fellay bilang co-consecrator.
Ginpatigayon ini sa International Seminary of Saint Pius X sa Écône, Switzerland.
Ang mga bishops-elect amo sanday Rev. Pascal Schreiber (Switzerland), Rev. Michael Goldade (United States), Rev. Michel Poinsinet de Sivry (France), kag Rev. Marc Hanappier (France).
Antes sini nga seremonya, una na nagpanawagan si Pope Leo XIV nga indi dapat ini pagdayunon bangud wala ini sang pehanugot halin sa iya kag tuman ka dako ini nga sala.
Sa idalom sang layi sang simbahan, ang consecrations naga-constitute sang akto sang pagsipak sa simbahan kag katumbas sini ang automatic excommunication batok sa apat ka mga bishops kag ang bishop nga maga- administer sa consecration.
Ang Society of Saint Pius X gintukod agud kontrahon ang moderno nga reporma sang 1960s Second Vatican Council.
Ang Second Vatica Council amo ang nagbag-o sang relasyon sang Simbahang Katoliko sa iban nga mga relihiyon kag sa mga ordinaryo nga tumuluo kag gintugutan nga hiwaton ang Misa gamit ang mga lokal nga lenggwahe sa baylo nga sa Latin.
Sang 1988, gin-consecrate ni SSPX founder Archbishop Marcel Lefebvre (pronounced as LEFEB) ang apat ka bishops nga wala sang permiso halin sa santo papa.
Bangud sini, gilayon nga gin-excommunicate sang Vatican si Lefebvre kag ang apat ka mga bishops, kag ini nga grupo ang tubtob subong, wala sang legal nga status sa simbahan.
Nagpaandam man ang Vatican nga ini man ang dangatan sang bag-o nga mga obispo.
Suno kay Bombo Robert John Napata, international correspondent sa Germany kag tumandok sang Janiuay, kag isa magatambong sa nasambit nga seremonya, bisan kontrobersyal, importante ini nga kahiwatan sa Simbahang Katoliko.
Pahayag niya, ini magapadayon sang legasiya ni Archbishop Marcel Lefebvre sa pagpangapin sa tradisyon sang simbahan partikular ang paggamit sang lenggwahe nga Latin sa mga misa.
