ILOILO CITY- Gin- extend sang West Visayas State University (Main Campus) ang suspension sang onsite classes tubtob sa Biernes, Abril 5, bangud sa nagataas nga heat index sa Iloilo City.
Ini na ang mangin ikalima nga adlaw sang sunod- sunod nga class suspensions humalin sang Abril 1 matapos ginmando ni Iloilo City Mayor Jerry Treñas ang pag-suspend sang face-to-face classes.
Apang, sa bahin naman First-year kag fourth-year students sa College of Nursing, magapadayon ang ila onsite classes base sa na-schedule agud mapadayon ang ila skills laboratory kag delivery room exposure.
Yara naman sa discretion sang college deans kun i-resume ang mga klase para sa pila nila ka mga programa.
Magapadayon naman ang trabaho para sa non-teaching personnel sang unibersidad kag ang staff sang WVSU Medical Center.
