ILOILO CITY – Gin-extend sang Department of Health (DOH) ang COVID-19 alert level 1 status sa syudad kag probinsya sang Iloilo tubtob sa katapusan sang bulan, Agosto 31.
Magluwas sa syudad kag probinsya sang Iloilo, alert level 1 man ang Aklan, Capiz, Guimaras kag Bacolod City.
Sa idalom sang alert level 1, ang mga establishments ang pahanugutan nga mag-operate sang 100 percent capacity lakip na ang mga mass gatherings para sa mga fully vaccinated.
Samtang ang Antique kag Negros Occidental ang yara sa idalom sang alert level 2.
Sa amo nga status, ang face-to-face classes, dine-in services, religious gatherings, kag personal care services ang magabaton gid lamang sang fully vaccinated individuals sa 50 percent sa indoor venue capacity.
