ILOILO CITY – Ginaduso sang Tennessee Democrats nga ibalik si Justin Pearson nga ginpahalin bangud sa pagpanguna sang gun policy protest sa statehouse.
Ini ang kasunod sa pag-reinstate sa Filipino-American nga si Justin Jones pinaagi sa Metropolitan Council of Nashville kag Davidson County.
Ini man ang posible nga matabo kay Pearson sa tion nga i-consider sang Shelby County Board of Commissioners ang pag-reappoint sa iya sa Memphis district.
Kung madumduman, sang nagligad nga semana, ginsipa sang Republican lawmakers sanday Jones kag Pearson bangud sa pagguba sa decorum.
Ini ang nagkuha sang atensyon sang bilog nga pungsod nga nagserbe nga rallying cry para sa mga Democrats sa isyu sang democracy, gun violence kag racial inequality.
