ILOILO – Pilason ang isa ka tigulang matapos nga mabungguan sang duha ka motor nga nagapakarera sa Brgy. Particion, Guimbal Iloilo.
Ang biktima ginkilala nga si Juanito Gevela 82 anyos sang nasambit nga lugar.
Samtang ang driver naman sang motor ang ginkilala nga si Earl Camarines, 34 anyos kag residente sang Brgy Bulad, Guimbal Iloilo.
Sa interview sang Bombo Radyo kay PSSG kay Jubert Ceralbo iya ginpahayag nga nag overtake sa isa ka motor si Camarines nga nag overtake man sa isa pa ka salakyan kag nagpakarerehay ini.
Suno kay Ceralbo matapos mabungguan ang tigulang, ginyudyod pa ini sang motor.
Naka agom sang pilas sa nagkalain lain nga pilas sa iya nga lawas ang biktima samtang arestado naman ang suspek nga nahibaluan nga yara sa idalom sang impluwensya sang makahululubog nga ilimnon.
