Bata pa lang, indi na manigar ang pagka-hilig kag pagpalangga sang isa ka nakapasar sa bag-o lang gwa nga Civil Engineering Licensure Examination March 2026 sa subject nga Mathematics.
Ini amo si Christian Kyle Porras sang Pototan, Iloilo kag produkto sang Iloilo Science Technology University-La Paz Campus.
Sa interview sang Bombo Radyo kay Porras, iya ginpahayag nga bilang isa ka anak sang Math teacher, elementarya pa lamang paborito na sini ang subject kun sa diin aktibo man ini sa pag-intra sa mga quiz bee kag kompetisyon nga may kahilabtanan sa Mathematics.
Sa pagkuha sini sang kurso nga Engineering sa kolehiyo, madamo man sang pagpanghangkat ang nag-abot sa iya apang tanan nga ini nalampuwasan sini bangud sa suporta sang iya nga ginikanan kag pamilya.
Sa pag-guwa sang resulta sang Engineering Licensure Examination 2026, nakaangkon ini sang 90.50 nga rating kag kulang lamang sang 0.75 agud makasulod na kuntani sa topnotchers.
Sa pihak sini, dako sa gihapon ang iya pagpasalamat bangud apisar wala sini maangkon ang puwesto bilang kabahin sang topnotchers madamo sa gihapon sang dapat nga e-apresyar sa mga natabo.
Dugang pa sini nga kinahanglan na nga magpadayon bangud ang matuod nga reyalidad nagahulat na sa iya sa propesyon nga ginpili sini kag amo ini ang makapangita na sang trabaho kag makapangalagad sa tawo paagi sa iya nga ikasarang.
