Natalana nga magpakigkita kay President-elect Ferdinand Marcos Jr. si United States Deputy Secretary of State Wendy Sherman.
Naka-schedule ini nga magbisita sa Pilipinas, South Korea, Vietnam, kag Laos halin sa June 5-14 suno sa US Department of State.
Magluwas nga makig-sapol kay Marcos, ginalauman man nga makig-istorya si Sherman sa senior members sang outgoing administration ni President Rodrigo Duterte.
Ang tuyo amo ang pagpapag-on sang bilateral ties sang U.S. kag Pilipinas.
Magapartisipar man ini sa business roundtable kag event nga may kaangtanan sa celebration sang World Oceans Day.
Antes sini, nakatawag na si US President Joe Biden agud magpanginbulahan kay Marcos, samtang nakabisita naman si US Embassy’s Charg d Affaires Heather Variava sa campaign headquarters sang president-elect.
