Gin-aprubahan man sang trial chamber sang International Criminal Court ang pangabay sang associate counsel ni anay Presidente Rodrigo Duterte nga si Atty. Dov Jacobs nga mag-withdraw sa pag-uyat sang kaso ni Duterte nga crimes against humanity.
Sa desisyon sang Trial Chamber III nga may petsa Mayo 8, ginpahayag nga gin-aprubahan nila ang hingyo bangud may yara pa sang lead defense counsel kag “existing defense team” si Duterte.
Apang si Nicholas Kaufman naghingyo man nga maghalin sa legal team ni Duterte, apang kagab-i lang ini ginpasapubliko nga impormasyon.
Ginpahayag man ni Jacobs nga ang iya desisyon ang nahuman bangud sa plano ni Duterte nga bag-uhon ang iya grupo sang mga abogado antes magsugod ang pormal nga trial sa ICC.
Sa pag-aprubar sang withdrawal request, ginpahanumdumdum sang Trial Chamber III si Jacobs sang iya padayon nga obligasyon sa idalom sang ICC Code of Professional Conduct for Counsel kag sang confidentiality obligations nga nasulat sa Rome Statute kag sa Rules of Procedure and Evidence.
