Masobra sa 120 ka tawo ang patay sa tuyo nga pagpalagyo sang mga preso sa pinakadako nga bilangguan sa Democratic Republic of Congo, ang pinakaulihi sa serye sang pagpang-atake sa mga presuhan sa central African nation.
Gintuyo sang mga preso nga magpalagyo gikan sa Makala Central Prison sa capital nga Kinshasa.
Suno sa otoridad, 24 sa napatay ang natiruhan sang otoridad samtang ang iban naman ang napatay bangud sa suffocation kag stampede samtang ang iban nga mga babaye naman ang gin-rape pa sang iban nga preso.
Kapin 59 naman ang ginabulong subong bangud sa naangkon nga mga kapilasan.
Nahibaluan nga ginabanta sa 2,000 ang mga inmates nga kalabanan ang mga pretrial detainees sa Makala prison nga ang kapasidad kuntani ang yara lang sa 1,500 suno sa report sang Amnesty International.
Nagapadayon naman ang imbestigasyon sa insidente.
