Nagtaas sang 8.7 percent ang unemployment sa bulan sang Abril kun ipaanggid sa una nga quarter subong nga tuig.
Suno sa Philippine Statistics Authority (PSA), nagdangat sa 4.14 million ang mga jobless nga Filipinos sang Abril.
Nahibaluan nga sang Enero, 8.7 percent man ang unemployment rate sa pungsod nga may katumbas nga 3.95 million jobless Filipinos.
Sa month-on-month basis, ang figure sa bulan sang Abril ang mas mataas kun ipaanggid sa unemployment sang Marso nga nagdangat sa 7.1 percent ukon may katumbas nga 3.44 million jobless Filipinos.
Ang Labor Force Participation naman sang Abril ang mas mataas sang 63.24 percent kun ipaanggid sa 60.5 percent sang Enero 2021.
Ang underemployment naman sang Abril ang nagdangat sa 17.2 percent sa diin mas mataas ini sa 16 percent nga narekord sang Enero subong nga tuig.
Ini ang mas manubo naman kun ipaanggid sa 18.9 percent nga underemployment rate nga narekord sang Abril 2020.
Narekord naman ang “worst” unemployment rate sang 2020 nga may 10.4 percent bangud sa COVID-19 pandemic,.
Una na ng ginpahayag ni Socioeconomic Planning Secretary Karl Kendrick Chua nga ang employment nga nadula bangud sa pandemya ang nabalik na.
