Ginatuyo nga ideklara ni U.S. President Donald Trump bilang teritoryo sang Estados Unidos ang Strait of Hormuz matapos ang ginakabig sini nga kadalag-an batok sa Iran.
Ini ang mismo nga ginkumpirma ni Trump sa isa ka political rally sa isa ka police academy sa New York state.
Madumduman nga naglunsyar sang gyera ang US kag Israel batok sa Iran sang Pebrero agud tapuson ang kontrobersyal nga Nuclear program sa Iran nga ginahalinan sang mga pagpang-atake sa Middle East.
Diri man kag nagbalus ang Iran pinaagi sa pagsarado sang Strait of Hormuz nga isa sa makabig nga pinakadako nga alagyan sang mga produktong petrolyo sa bilog nga kalibutan.
Sa subong, nagapabilin ang blockade sang Estados Unidos sa Iranian ports agud maparalisa ang ekonomiya sang Iran, samtang padayun naman nga ginapunggan sang Tehran ang access sang mga barko kag US Navy sa Strait of Hormuz.
