ILOILO CITY – Wala sang exempted sa pagpatuman sang Anti-Terror Law kun sa diin bisan ang uniformed personnel nga nagawaslik-poder ang magapangatubang sang nagakaigo nga kaso.
Sa interview sang Bombo Radyo kay Police Lt. Gilbert Gorero, acting Public Information Officer sang Police Regional Office 6, iya ginpahayag nga kinahanglan nga mangin patas ang pagpatuman sang nasambit nga layi nga may katuyu-an nga matapna ang terorismo sa pungsod.
Kun mapamatud-an nga naga-abusar, ginpahayag ni Gorero nga kinahanglan ini nga hatagan sang suspension ukon dismissal ang uniformed personnel.
Sa subong suno kay Gorero, kinahanglan pa nga ipaidalom sa training kag seminar ang mga uniformed personnel nga amo ang magapatuman sang nasambit nga layi nga ginpirmahan ni Presidente Rodrigo Duterte sang damlag lang.
