Ginpasalig sang Philippine Consulate General in New York ang close monitoring sa nagasangkad pa nga pro-Palestinian demonstrations sa sulod sang college campuses sa northeastern United States.
Masobra na sa 2,300 ang naaresto halin sang gin-umpisahan ang demonstrasyon sang nagligad nga Abril 18 bilang pagprotesta sa Israel-Hamas war kag sa polisa sang Biden administration bilang kaalyado sang Israel.
Lakip sa mga eskwelahan kun sa diin ginpangdakop ang mga estudyante amo ang Columbia University, New York University, kag City College of New York kun sa diin madamo nga Filipino kag Filipino-American students ang nagatuon kag nagatudlo.
Una na nga ginpahayag sang New York Police Department nga 30 percent sa nadakpan ang indi man mga estudyante kag pila sa rason amo ang disorderly conduct, assault, kag pagpangawat.
Sa statement naman sang Philippine Consulate General, nakasaad nga wala pa sang nabaton nga reports nga may Filipinos nga nalakip sa gindakop sang otoridad.
Gin-abisuhan naman sang consulate ang mga Pinoy nga magsunod sa layi, pasulabihon ang personal safety, kag likawan ang iligal nga mga aktibidad.
Lakip man sa ginpasalig sang consulate amo ang paghatag sang assistance kun may Filipinos nga apektado sang padayon nga mga protesta.#
Spencer Platt/Getty Images
