Attention, pageant fans!
Kahigayunan mo na ini nga suportahan ang imo nahamut-an nga kandidata sa Binibining Pilipinas 2021 agud nga makaabanse siya sa semifinals.
Gin-anunsyo sang Binibining Pilipinas ang pag-lunsar sang mobile application kun sa diin makaboto online ang mga fans sa ila nga favorite candidate.
Ang kandidata nga may pinakamataas nga boto ang automatic nga makaangkon sang wildcard spot sa semifinals sang coronation night sa Domingo, Hulyo 11.
Ang registered app users ang mahimo lamang makaboto sang isa ka bes kada adlaw.
Magatakop ang online voting sa Sabado sang gab-i, Hulyo 10.
Apat ka titulo ang gina-agawan sa Binibining Pilipinas 2021 grand coronation night: Binibining Pilipinas International, Binibining Pilipinas Grand International, Binibining Pilipinas Intercontinental, kag Binibining Pilipinas Globe.
