Ginaabisuhan sang Association of Barangay Captains (ABC)- Lapaz ang mga pumuluyo sa distrito nga likawan ang iligal nga koneksyon sa kuryente agud nga malikawan ang sunog.
Sa interview sang Bombo Radyo kay Lopez Jaena Norte Punong Barangay Marjorie De Asis nga amo man ang presidente sang ABC sa Lapaz, iya ginpahayag nga nagabululigay man ang barangay officials agud nga matumod kun sanday sin-o pa sa mga residente ang wala sang kaugalingon nga kuntador.
Ginahikot naman ang pondo agud nga may ibakal sang fire hydrant ilabi na kun indi makasulod ang mga firemen kun may matabo nga sunog sa magutok nga areas sa distrito.
Sa rekord sang Bureau of Fire Protection – Iloilo City, yari ang fire-prone barangays sa Lapaz: Nabitasan, Rizal, Aguinaldo, McArthur, Caingin, Lopez Jaena Norte, Gustilo, Ingore, kag Baldoza.
Sa bahin sang BFP suno kay De Asis, ginabalikan gid nila sa kada semana ang area kun sa diin may nagluntad nga sunog agud nga ma-follow up ang sitwasyon.##
