ILOILO CITY – Gin-detain sang Turkish police ang 12 ka mga tawo bangud sang pagkatiphag sang mga buildings sa southeastern provinces sang Gaziantep kag Sanliurfa, kasunod sang mabaskog nga linog nga nag-igo sa Turkey.
Ang mga ginkustodiya ang ginalakipan sang mga contractors.
Nahibaluan nga nagdangat sa 6,000 ka mga buildings ang nag-collapse matapos ang pagtay-og sang 7.8-magnitude nga linog nga nagpatay na sa masobra sa 25,000 ka mga tawo.
Ginalauman nga madamo pa ang i-detain matapos nga nagpagwa sang arrest warrants ang public prosecutor sa Diyarbakir sa 29 ka mga tawo.
Ang justice ministry sang Turkey ang nagmandu na sa mga prosecutos sa 10 ka mga probinsya nga magtukod sang special “earthquake crimes investigation offices”.
