PERU – Nagdangat na sa 17 ka mga kapulisan ang napatay sa Peru matapos matapikan sang Coronavirus Disease 2019.
Naglab-ot man sa halos 1,000 ka mga kapulisan ang nagpositibo sa nasambit nga virus.
Bangud sa insidente, nagbiya na sa iya nga pwesto si Interior Minister Carlos Moran bangud sa indi niya paghatag sang mask kag medical care sa mga kapulisan.
Nagtalana naman sang $15 million ukon P762,000,000 nga pondo ang gobyerno sang Peru agud ibakal sang protective equipments sang mga kapulisan kag bag-o nga interior minister.
Nahibaluan nga nagdangat na sa 25,000 ang kaso sang COVID-19 sa Peru sa diin 700 diri ang nagkalamatay.
