Patay ang isa ka 19-anyos nga estudyante sa Tagum City, Davao del Norte matapos nagsuprer sang masobra 30 ka pilas tuga sang pagkabuno.
Suno sa Tagum City Police Station, nasapwan ang biktima sa sulod mismo sang iya kuwarto nga wala na sang kabuhi kag natabunan sang habol.
38 ka mga samad ang nakit-an sa nagkalain-lain nga parte sang iya lawas.
Base pa sa mga pulis, gintaban pa sang mga suspek ang pila ka mga kagamitan sang babaye kaangay sang laptop computer, cellphone, tablet, kag iya nga relo.
Nakit-an man sa crime scene ang grass cutter, binangon, dumbbell, kag panyo nga ginapatihan nga gingamit sa pagpatay sa biktima.
Nagaguwa sa inisyal nga pagpangusisa sang pulis ang anggulo sang pagpangawat nga amo ang motibo sa krimen.
Ginpasalig naman ni Davao del Norte Police Provincial Director Col. Alexander Serrano Jr. ang madalom nga imbestigasyon agud matumod kag madakpan ang may kahimuan sa krimen.#
Photo: The Mindanet Balita
