Nakabalik na sa Pilipinas ang 19 ka mga estudyante nga nastranded sa tunga sang ila internship sa Vietnam bangud sa Coronavirus Disease 2019 pandemic.
Suno sa Commission on Higher Education, ini na ang ika-duha nga batch sang mga Pilipino nga estudyante gikan sa luwas sang pungsod nga nakapauli na sa Pilipinas.
Nalakip sila sa 143 ka mga Pilipino nga gin-repatriate sang Philippine Embassy sa Vietnam.
Nagpasalamat si Commission on Higher Education Chairman Prospero De Vera III sa nangin bulig sang Department of Foreign Affairs kag Department of Labor and Employment sa pagpauli sa mga estudyante.
Dugang sang natungdan, sabton sang unibersidad sang mga estudyante ang ila pagkaon, hotel kag akomodasyon samtang nakapaidalom sa quarantine.
