ILOILO CITY – Nagtukod na sang Board of Inquiry Team ang 4th Infantry Division sang Philippine Army kasunod sang mass shooting sa sulod sang Camp Evangelista sa Cagayan de Oro.
Ang suspek sa amo nga pagpangluthang amo si Private Johmar Villabito.
Napatay naman sanday Sergeant Rogelio Rojo, Corporal Bernard Rodrigo, Private First Class Prince Kevin Balaba kag Private Joseph Tamayo nga isa-isa nga ginpangluthang sang suspek gamit ang iya nga service firearm.
Ang mga nagkalamatay ang lunsay napaidalom sa Headquarters Service Battalion sang 4th Infantry Division.
Pilason naman si Sergeant Braulio Macalos.
Nakabugtaw ang iban nga mga soldado kag nag-responde sanday Private Mark Anthony Aguinid kag Private First Class Josiah Estrada nga amo ang nakatiro-patay sa suspek.
Ginapahayag nga naga-kesperyensya sang “war shock” ang suspek
