ILOILO CITY- Nagsaka pa sa 55 ang kumpirmado nga patay sa natabo nga 7.5 magnitude nga linog sa Japan.
Ang death toll ang ginkumpirma mismo sang spokesperson sang Ishikawa prefecture.
Sa Wajima City nga sakop sang Ishikawa Prefecture, kapin sa 200 ka buildings ang ginapatihan nga nasunog kadungan sang pagluntad sang linog.
May yara man sang dugang nga 25 buildings, kalakip na ang mga balay, nga nagkalalumpag kag ginapatihan nga may mga tawo pa nga na-trap sa sulod kag natampukan sang mga pader.
Dugang pa, may kapin 500 ka mga pumuluyo ang stranded sa Noto Airport matapos nga naguba man ang terminal.
Matandaan nga ang linog nga ginsundan sang tsunami warnings ang nagtulod sa linibo ka mga tawo nga mag-evacuate gikan sa coastal areas.
