Ginpagwa na sang gobyerno ang mga pagsulundan may kaangtan sa pagkontrol sang Coronavirus Disease 2019 para sa mga institusyon sa pribado nga sektor nga gintugutan nga mag-operate samtang nakapaidalom sa Enhanced Community Quarantine kag General Community Quarantine.
Sakop sang nasambit nga pagsulundan nga gikan sa Department of Labor and Employment kag Department of Trade and Industry nga tanan nga mga talatapan, mga employers kag mga empleyado nga magabalik sa ila trabaho.
Antes magsulod sa establisyemento ukon sa ila talatapan nagakadapat nga sundon sang mga employer kag mga empleyado ang mga masunod;
- Pagsuksok sang face mask sa tanan nga tion magluwas lang kun nagakaon ukon naga inom.
- Obligado ang mga employers nga maghatag sang face masks sa ila mga empleyado kag nagakadapat nga tela ukon washable ini.
- Magpahamtang sang daily health symptoms questionaire sa guard ukon safety officer nga mahimo sabtan sang mga empleyado antes makasulod sa establisyemento.
- tsekyaron ang temperatura sang mga empleyado.
- kinahanglan man nga i-disinfect ang mga equipment ukon salakyan nga nagasulod sa establisyemento
- kag hugot nga pagpatuman sang physical distancing.
Sa sulod naman sang opisina, nagakadapat nga sundon ang mga masunod
- Nagakadapat nga limpyuhon ukon i-disinfect sang isa ka bes kada oras ang tanan nga mga working areas kag mga equipment nga masami ginagamit sang mga empleyado
- tsekyaron nga may yara sang bastante nga tubig kag habon ang mga washroom kag comfort rooms
- nagakapaat nga may yara man sang sanitizers sa tanan nga lugar sa sulod sang establisyemento nga masami gina agyan sang mga tawo
- hugot nga pagpatuman sa physical distancing nga may minimum nga one-meter radius
- likawan ang pagkaon sa mga common areas kaangay nalang sang canteen
- kag ulihi amo ang regular nga pagpanglimpyo kag pagdisinfect sa mga canteen kag kusina.
Ginpanugyanan man ang mga kompanya nga maghatag sang libre nga bulong kag vitamins sa ila mga empleyado.
Magluwas diri, nagpanugyan man ang Department of Labor and Employment kag Department of Trade and Industry sa mga employers nga magpatuman sang work arrangements kaangay nalang sang working-hour shifts kag work-from-home.
Wala man ginarekomendar sang gobyerno ang madugay nga tiyempo sang face-to-face interaction sa tunga sang mga empleyado.
Obligado man ang mga employer nga gilayon nga dal-on sa ginpahamtang nga isolation area sa sulod sang talatapan ang ila mga empleyado nga makitaan sang simtomas sang COVID-19.
Nagakadapat nga mga magpaidalom sa 14 day quarantine ang mga nakaupod sang empleyado nga makitaan sang simtomas.
