Natalana na nga ipagwa sang Department of Education sa Hunyo ang P3,500 nga cash allowance para sa mga manunudlo.
Base sa memorandum nga ginpagwa sang Department of Education sang Mayo 4, gamiton ang nasambit nga allowance para sa pagbakal sang mga kinahanglan nila nga suplay kag iban pa nga materials para sa masunod nga school year.
Magluwas diri, magapagwa man ang DepEd Central Office sang pain nga polisa kag pagsulundan agud magamit sang mga manunudlo ang nasambit nga allowance para sa mga teaching supplies kag materials may kaangtanan sa pagpanghanda nila para sa Learning Continuity Plan.
Nahibaluan nga nakadetalye sa Learning Continuity Plan ang mga pagbag-o sa polisa nga kinahanglan agud masiguro nga indi maapektuhan ang sektor sang edukasyon sa tunga sang Coronavirus Disease 2019 crisis.
Una na nga ginpahayag sang DepEd nga magasugod na sa hunyo ang trabaho sang mga public school teachers bilang pagpanghanda sa 2020-2021 school year nga magabukas sa Agosto 24.
