Ginkumpirma sang opisyal sang Department of National Defense (DND) nga i-kanselar sang Pilipinas ang order nga 16 ka Russian military helicopters.
Antes sini, may reports na nga nag-desisyon si former president Rodrigo Duterte nga i-cancel ang order bangud sa sanctions nga gindagdag sang Estados Unidos sa Russia.
Long-time ally na sang US ang Pilipins.
Kun balikan, sang November, nagsugot ang Pilipinas nga magbayad sang 12.7 billion pesos ($228 million) para sa Mi-17 helicopters bangud ginatuyo nga i-modernize ang military hardware.
Sunod sini, nagpataw ang US kag ang dalagku nga kaalyado nga mga pungsod sang sanctions batok sa Moscow bangud sa pag-invade sini sa Ukraine.
Sa statement ni DND spokesman Director Arsenio R. Andolong, ginpahayag nga gin-reconstitute ang committee nga amo ang in-charge sa pag- terminate sang deal.
Naga-preparar man ang DND sang diplomatic dialogue sa Russia may kaangtanan sa isyu nga posible magguwa bangud sa cancellation.
Sa rason sang kanselasyon, ginpahayag ni Andolong nga may “changes in priorities” bangud sa “global political developments.”
Nahibaluan nga nakahatag na ang Pilipinas sang P1.9-billion downpayment para sa contract.
Trabahuon sang committee kun paano makuha ang refund.
Una na nga ginpahayag ni Former Defense Secretary Delfin Lorenzana nga posible magpapanaog ang US sang sanctions sa pungsod bangud sa amo nga deal. ##
