INDIA– Isa sa pinaka masadya nga balatyagon sa aton nga kabuhi amo ang magka bata kita.
Didto sa India may yara sang isa ka tigulang nga tuman ang nangin kasadya bangud daw sa indi sya magpati nga sa iya edad nga 78 anyos sya ang naka bun-ag pa sang isa ka bata.
Ang tigulang ginkilala si Mangayamma sang Anthar Pradesh state sa India.
Si Mangayamma ang gintanyag nga oldest woman in history to give birth matapos niya nga gin bun ag ang kapid nga babayi paagi sa IVF procedure ukon ang In-virtro Fertilization.
Tuman ang nangin kasadya ni Mangayamma kag sang iya bana bangud daw kaangay nga na kompleto na ang ila 54 ka tuig nga pag updanay bangud sa pag abot sang ila kapid nga baby girl.
Apang matapos ang masadya nga natabo sa mag-asawa nga Mangayamma kag Rajarao ginsundan naman ini sang masubo nga balita sang napatay si Rajarao bangud sa stroke isa ka adlaw matapos ginbun-ag ang ila nga kapid.
