Local organizers, naisahan; pila sa ASEAN delegates, nagpabilin sa Iloilo likom sa ihibalo sa organizers

ILOILO CITY – Ginkakibot sang local organizing committee sang Association of Southeast Asian Nations (ASEAN) Ministerial Meeting nga ginpatigayon sa Iloilo, matapos nga nagpabilin ang pila sa mga delegates.
Ginpahayag ni Iloilo City Mayor Jed Patrick Mabilog nga pila sa mga delegates ang nagpa-rebook sang ila tickets nga likom sa ihibalo sang local organizers.
Wala ang mga ini nahatagan sang seguridad samtang nagalibot-libot sa mga tourist destinations sa Iloilo kag Guimaras.
Apang ginakabig gihapon ni Mayor Mabilog nga madinalag-on ang pag-host sang siyudad sa duha ka semana nga ASEAN meeting.
Lauman na suno sa alkalde nga mas madamo pa nga mga international events nga hiwaton sa Iloilo.