ILOILO CITY – Wala sang Pinoy nga nadalahig sa natabo nga terror attack sa atubang mismo sang parliyamento sang United Kingdom kun sa diin lima ang patay lakip na ang suspek, samtang 40 ang pilason.
Sa interview sang Bombo Radyo Iloilo, ginpahayag ni Department of Foreign Affairs spokesman Assistant Secretary Charles Jose nga santo sa monitoring sang embahada sang Pilipinas sa London, wala sang Pinoy nga nabiktima.
Apang padayon suno kay Jose nga ginamonitor sang embahada sang Pilipinas sa London sa natabo nga pagpang-atake.
Ginpanugyanan naman sang DFA ang mga Pilipino sa Gran Britanya nga mangin vigilante.
Dapat suno kay Jose nga sundon ang mga panugyan sang Philippine embassy kag mangin sang UK government para sa kaluwasan sang mga ini.
