Transport group ginpakamalaot ang plano sang syudad nga paghatag sang porsyento sa mga traffic aides

ILOILO CITY – Ginpakamalaot sang Iloilo City Loop Alliance of Jeepney Operators and Drivers Association (ICLAJODA) ang plano sang syudad sang Iloilo nga hatagan sang porsyento ang mga traffic aides base sa numero sang ila madakpan nga mga traffic violators sa syudad sang Iloilo.
Suno kay ICLAJODA Pres. Reymundo Boyet Parcon, mangin palaagyan sang korapsyon sang mga traffic aides ang ginaplano sang syudad.
Imbes nga matutokan suno kay Parcon ang pagpaayo sang dalagan sang trapiko sang mga traffic aides, mas pagatan-awon sang mga ini ang pagpangdakop kag pagpangita sang bayolasyon sa mga drivers.
Sa mga drivers naman, mahimo nga mapilitan sila nga maghatag sang kwarta sa mga traffic aides agud indi na sila pagdumtan pa kag dakpon.
Mangin dugang naman ini nga palas-anon sa mga drivers kag operators suno kay Parcon.