ILOILO CITY – Pabor ang pamunuan sang Public Safety Transporation and Management Office (PSTMO) sa proposed Anti-Counterflowing Ordinance nga ginaduso ni Iloilo City Councilor Lyndon Acap.
Sa exclusive interview sang Bombo Radyo kay PSTMO Head Mr. Jeck Conlu, iya ginpahayag nga maayo ang ginaduso nga ordinansa ni Konsehal Acap sa diin magatudlo ini sang disiplina sa mga motorista sa dalanon.
Suno kay Conlu, ang counterflow ang nagakahulugan nga masugata ang mga motorista sa trapiko sa tion nga nagadali ang mga ini apisar may nagapadulong nga salakyan.
Sa ordinansa nga ginaduso sang konsehal, makabig man nga counterflow ang pag overtake sang salakyan.
Ginpahayag ni Conlu nga iplastar pa man ni Konsehal Acap sa Iloilo City Council ang kaundan sang iya proposed ordinance kag diri maathagan ang tanan sa kahulugan sang counterflow.
