Nagpahanumdom si Senator Richard Gordon sa mga ospital nga ginabaligya ang dugo nga ginpadala sang Philippine Red Cross National Blood Services.
Sa interview sang Bombo Radyo Iloilo kay Senator Gordon nga chairman man sang Philippine Red Cross, iya ginpahayag nga libre ang ginapadala nila nga dugo gani libre man dapat ini nga ihatag sa mga dengue patients.
Suno sa senador, wala man sang pagabayaran nga processing fee ang pasyente.
Matandaan nga sang damlag lang nagpadala sang 165 units sang frozen blood products ang Philippine Red Cross agud i- augment ang suplay sang dugo sa Western Visayas matapos ginpaidalom sa dengue outbreak ang bilog nga rehiyon.
Magluwas sa dugo, nagpadala man ang Philippine Red Cross sang emergency medical tents sa Western Visayas.
Samtang,ginpat-ud man ni Gordon nga indi lamang dugo ang focus sang Red Cross.
Suno sa iya,gin-alerto na man ang mga Red Cross volunteers nga manguna sa community cleanup drives agud matapna ang pagdamo sang kaso sang dengue.
