ILOILO– Nangin matawhay kag malinong ang pagpadayon sang byahe sa mga pump boat nga may ruta Iloilo-Guimaras vice versa.
Ini matapos gindula ni Department of Transportation Secretary Arthur Tugade ang Public Cancellation of Conveniece.
Sa interview sang Bombo Radyo kay Rudy Golez sang Buenavista, Guimaras, isa sa mga pasahero sa pumpboat nga una nga nakabyahe, iya ginpahayag nga isa ka masadya nga balita para sa mga Guimarasnon ang pagbalik sang byahe.
Dugang pa ni Golez, matawhay ang nangin byahe nila apang mainit bangud ginkakas ang trapal nga nagatabon sa pump boat santo man sa ginpagwa nga memorandum sang Philippine Coast Guard.
Ginpasalamatan man ni Golez ang Philippine Coast Guard kag Maritime Industry Authority sa pagpatigayon sang mga byahe subong nga adlaw.
Nahibaluan nga masobra sa lima ka libo nga mga pasahero ang nagapila sa Jordan kag Buenavista wharf agud makatabok sa syudad sang Iloilo matapos ang isa ka semana nga untat-byahe.
