ILOILO– Naga-ugyon ang pumuluyo kag barangay officials sa Brgy. General Huges, Iloilo City sa pagpanglimpyo agud matapna ang pagduging sang Dengue Hemmorrhagic Fever.
Sa interview sang Bombo Radyo kay Ma. Teresa Esanan, barangay tanod sa nasambit nga lugar, iya ginpahayag nga padayon ang ila ginapatigayon nga clean-up drive sa tagsa ka Sabado nga adlaw agud mapabilin ang zero record on dengue cases sang ila nga barangay.
Suno kay Esanan, sa tagsa ka Sabado nga adlaw, gina isa-isa sang barangay officials ang panimalay agud ipahanumdom sa mga tagbalay ang importansya sang pagpanglimpyo.
Nagpanugyan man ang barangay kagawad nga padayunon lang ang pagpanglimpyo para sa kaayuhan sang tanan.
