ILOILO – Gintawag ni 1st District of Iloilo Rep. Janette Garin nga immature si Buhay Rep. Lito Atienza bangud sa nangin asal niya sa plenaryo sa kamara.
Madumduman nagsabtanay sanday Garin kag Atienza natuhoy sa isyu sang kontrobersiyal nga bakuna kontra Dengue nga Dengvaxia kag iban pa nga vaccination programs sang Department of Health kun sa diin suno kay Atienza ini lunsay instrumento lang agud maka kurakot sang pondo.
Sa interview sang Bombo Radyo kay Rep. Garin, iya ginpahayag nga wala sang kamatuoran ang mga akusasyon ni Atienza nga may yara sang component ang Tetanus Toxoid nga makapabaog sa mga babae.
Suno kay Garin, ginabaton niya ang pagpanghangkat ni Atienza nga kun mapamatud-an ang mga akusasyon niya gilayon sya nga magahalin sa iya nga posisyon.
Dugang sang natungdan, wala sang kanimatarong si Atienza nga magpalapta sang mga impormasyon natuhoy sa mga vaccines nga ginahatag sang Department of Health bangud wala sya sang insakto nga medikal nga ihibalo.
Santo man sa pahayag ni Garin, indi niya luyag nga itolerar ang mga sala nga impormasyon nga ginapalapta ni Atienza bangud dako ang mangin epekto sini sa mga pumuluyo kag suno man sa iya katungdanan niya nga manindugan kun ano ang insakto nga magahatag sang insakto nga ihibalo sa mga pumuluyo.
