ILOILO CITY- Liwat nga ginpabutyag ni Senator Manny Pacquiao ang iya pagpamatok sa Sexual Orientation and Gender Identity and Expression (SOGIE) Bill.
Sa interview sang Bombo Radyo kay Pacquiao, iya ginpahayag nga may mga probisyon sa SOGIE bill nga indi pa handa nga batunon sa Pilipinas.
Suno kay Pacquiao, sa baylo nga SOGIE bill, mas pakamaayuhon sini nga magpasar sang hagna batok sa diskriminasyon.
Sa isyu naman tuhoy sa natabo nga hazing sa Philippine Military Academy, iya ginpahayag nga kinahanglan nga mahatagan sang hustisya ang kamatayon ni Darwin Dormitorio.
Sa kontrobersiya naman sa mga ninja cops, nagpamalibad ang senador nga magkomento.
Nagpasalamat naman ini sa mainit nga pagbaton sang mga Ilonggo sa iya.
Matandaan nga nangin dinapit nga bisita si Pacquiao sa Iloilo Baptist Church 39th Annual Pastors and Workers Conference.
VC OF SENATOR MANNY PACQUIAO
