ILOILO – Magapahamtang ang syudad sang Iloilo sang Traffic Discipline Zone sa pipila ka mga dalanon.
Sa interview sang Bombo Radyo kay Iloilo City Mayor Jerry Treñas iya ginpahayag nga ginaplanuhan na nila ang pagpatigayon sang nasambit nga programa bilang sa sabat sang naga lala nga sitwasyon sang trapiko.
Suno kay Treñas ini man ang sabat sang city government sa nagadamo nga kaso sang mga indi disiplinado nga mga drivers.
Dugang sang natungdan, ginalauman nga mapatigayon na ini sa Enero 2020.
Ang nasambit nga programa ang patigayunon sang Public Safety and Tranportation Management Ofice, Highway Patrol, Traffic personnels nagikan sa Iloilo city hall kag Land Transportation.
