ILOILO – Naghingyo sang sinsero nga pasaylo si Iloilo City Mayor Jerry Treñas sa grupo sang LGBT-Q matapos nga gingamit niya ang tinaga nga “inagi” sa paglaragway sa mahinay kag atrasado kag atrasado nga pag desisyon sang korte sa legal battle sa tunga sang Panay Electric Company kag More Electric and Power Corporation.
Sa interview sang Bombo Radyo kay Mayor Jerry Treñas, iya ginpahayag nga wala sya sang intensyon nga sakiton ang balatyagun ukon i-offen man ang bug-os nga LGBT-Q community.
Suno sa alkalde, nadala lang siya sa iya nga emosyon kag pagpanikasog nga protektahan ang interest sang pumuluyo agud mahatagan sang madasig nga solusyon ang kabudlay nga gina ila eksperyensya.
Dugang sang natungdan, wala man niya gina ihig-ihig ang mga miyembro sang nasambit nga organisasyon nga sa pagkamatuod sila sa City government ang handa nga magahatag sa ila sang equal nga pagtrato kag may yara man sang nakatalana nga office para sa ila sa City Hall.
Nagpasalig man si Mayor Treñas nga ang syudad sang Iloilo isa na ka LGBT-Q friendly kun sa diin gina suportahan nila ang tanan nga aktibidad sang nasambit nga organisasyon.
