ILOILO – Nag negatibo ang resulta sang test nga ginpatigayon sa mga specimen kag samples sang white kag yellow crystalline nga nakita sa septic tank sa property ni anay Estancia Mayor Rene Cordero.
Sa interview sang Bombo Radyo kay Pol Lt Ace L. Baldivieso, Forensic Chemist sang Regional Crime Laboratory 6 iya ginpahayag nga ang 5 ka packs sang substance nga ginapatihan kemikal nga ginagamit sa pag manufacture sang iligal nga droga ang ginpaidalom sa chemical tests agud ma determine kung bala may substance gid man ini sang iligal nga droga.
Suno kay Baldivieso matapos ang ginapatigayon nga test sa crime lab, gin dala ang mga specimen sa Philippine Drug Enforcement Agency agud ipaidalom naman sa Gas chromatography–mass spectrometry kun sa diin na confirm nga wala ini sang content sang iligal nga droga.
Samtang nahibaluan nga una na nga ginpahayag sang nagpakilala sekretarya ni Mr Lin Chin Tse Nga nga isa ka Taiwanese national nga naga renta sang property ni anay Estancia Mayor Rene Cordero nga ang mga substance nga nakuha ang gina gamit sa pag preserve sang mga isda nga gina transport sa gwa sang pungsod
