ILOILO – Ginlunsyar sang Police Regional Office 6 ang ‘Biggest Loser’ para sa mga pulis nga indi normal ang Body Mass Index.
Sa interview sang Bombo Radyo kay Police Captain Romeo Mallari, Chief, Physical Fitness and Sports Section sang Police Regional Office 6, iya ginpahayag nga ang “Biggest Loser’ ang may katuyuan nga ibalik sa normal ang Body Mass Index sang mga pulis nga makabig nga Obese ukon tuman ka tambok.
Suno kay Mallari, kada Lunes, may yara sang Forum on Health and Nutrition nga ginaptigayon, Zumba kag iban pa nga aktibidad nga makabulig sa mga pulis nga mabalik sa normal ang ila Body Mass Index.
Ginpahayag ni Mallari nga importante nga normal ang Body Mass Index sang isa ka pulis para sa mas epektibo nga performance sa trabaho.
Sa subong, madamo na nga mga pulis ang nabalik sa normal ang Body Mass Index kag normal naman ang bug-at.
