ILOILO – Tuman ka dako ang nangin epekto sang paglaslas sang Bagyo nga Ursula sa banwa sang Balasan, Iloilo ilabi na sa ila nga pangabuhian.
Sa exclusive interview sang Bombo Radyo kay Balasan Mayor Manuel Ganzon, iya ginpahayag nga ginabanta sa 90% ang halit nga gin tuga sang bagyo sa ila nga agriklutura nga pangabuhian ang madamo nga mga pumuluyo sa ila nga banwa.
Suno kay Ganzon, padayon ang ginapatigayon nila sang reilef operations agud mabuligan ang mga biktima.
Dugang sang natungdan, nagakig-angot na sila sa mga pribado nga sektor, orginisasyon kag sa iban pa nga ahensya agud matigayon na nga mapanghatag ang mga relief goods sa mga wala pa nakabaton nga pumuluyo.
Nagpanawagan man ang akalde nga padayon ang pagbaton nila sang bulig in kind man ukon cash nga mahimo makabulig gid sa mga biktima.
Nagpahayag man sang paglaum si Ganzon nga sa indi madali nga tion makabangon kag maka recover na ang ila banwa nagikan sa kalamidad nga nag igo sa ila.
