ILOILO – Ginsuspendi sang Police Regional Office 6 ang ‘permits to carry firearms outside of residence’ ukon ang pagdala sang armas luthang sa mga pampubliko nga lugar sa siyudad sang Iloilo kadungan man sang pila ka mga aktibidad nga patigayunon sa syudad.
Sa interview sang Bombo Radyo kay Pol Lt Col Joem Malong, tagapamaba sang Police Regional Office 6 iya ginpahayag nga gina abisuhan na nila ang tanan nga mga pumulyo nga likawan ang pagdala sang ila armas sa pila ka mga aktibidades sa siyudad magluwas gid lamang sa mga miyembro sang Philippine National Police kag Armed Forces of the Philippines kag iban panga law enforcement agencies nga may yara sang official duties or assignments
Suno kay Malong, ini ang bahin sang security measures sang ahensya agud nga malikawan ang mga fire arm related incidents para sa seguridad sang pumuluyo kag sang mga turista.
Dugang sang natungdan, ang suspension ‘permits to carry firearms outside of residence’ ang epektibo sa Dinagyang Festival humalin sa January 22-27, sa Chinese New year January 25-28, Jaro Fiesta January 31- Feb 3, Paraw Regatta Feb 20-24 kag Iloilo Charter Day Aug 23-26.
Santo sa pahayag ni Malong, ang madakpan nga maglapas sa nasambit nga pagsulundan ang pasaakan sang kaso nga RA 10591 ukon AN ACT PROVIDING FOR A COMPREHENSIVE LAW ON FIREARMS AND AMMUNITION.
